एकले अर्कोलाई हानी पुराउनु हुदैन।

आजको वचन।
प्रस्थान२१:१२-२७(एकले अर्कोलाई हानी पुराउनु हुदैन)।
=>“कसैले कुनै मानिसलाई मर्ने गरी हिर्कायो भने त्‍यो पनि मारिनैपर्छ।तर यदि कुनै मानिसले सो जानाजानी गरेको थिएन तर परमेश्‍वरले त्‍यसो हुन दिनुभएको हो भने, त्‍यो भाग्‍नलाई म एउटा स्‍थान तोकिदिनेछु। तर यदि अर्को मानिसलाई युक्ति गरेर कुनै मानिसले मार्‍यो भने, त्‍यसलाई मेरो वेदीबाटै मार्नका निम्‍ति लैजानू। “जसले आफ्‍नो बाबु वा आमालाई हिर्काउँछ, त्‍यो मारिनैपर्छ। “जसले कुनै मानिसलाई अपहरण गर्छ वा बेच्‍छ अथवा पक्रिँदा त्‍यो त्‍यसकै हातमा फेला पर्छ, त्‍यो मारिनैपर्छ।
  “जसले आफ्‍नो बाबु वा आमालाई सराप्‍छ, त्‍यो मारिनैपर्छ।
  “यदि मानिसहरू झगड़ा गरेर एउटाले अर्कालाई ढुङ्गाले अथवा मुक्‍काले हिर्कायो, र त्‍यो मर्न त मरेन तर ओछ्यानमा पर्‍यो, र त्‍यो फेरि उठेर लाठीको भरले यताउता हिँड्‌डुल गर्ने भयो भने, त्‍यसलाई हिर्काउने मानिस निर्दोष ठहरिनेछ। तर त्‍यो पस्रिरहेको समयको खर्च हिर्काउने मानिसले दिओस्‌, र त्‍यो पूरा निको नभएसम्‍म त्‍यसले त्‍यसको उपचार गरोस्‌। “यदि कुनै मानिसले आफ्‍नो कमारा वा कमारीलाई लाठीले हिर्काउँदा त्‍यसको हातले त्‍यो मर्‍यो भने, त्‍यसको दण्‍ड हुनैपर्छ। तर त्‍यो एक-दुई दिनपछि उठ्यो भने मालिकलाई दण्‍ड नमिलोस्‌, किनकि त्‍यो उसको धन हो।“यदि मानिसहरू आपसमा लड़न्‍त गर्दा कुनै गर्भवती स्‍त्रीलाई चोट लाग्‍यो, र महिना नपुगीकनै त्‍यसले बच्‍चा जन्‍माई तर स्‍त्रीलाई चाहिँ केही नोक्‍सानी भएन भने स्‍त्रीको पतिले भनेबमोजिम र अदालतले तोकेअनुसारको दण्‍ड चोट लगाउने मानिसलाई दिइओस्‌।तर स्‍त्रीको केही नोक्‍सानी भयो भने, प्राणको सट्टा प्राण,आँखाको सट्टा आँखा, दाँतको सट्टा दाँत, हातको सट्टा हात, खुट्टाको सट्टा खुट्टा,डामको सट्टा डाम, चोटको सट्टा चोट, कुटाइको सट्टा कुटाइ त्‍यस मानिसलाई मिलोस्‌।“यदि कुनै मानिसले आफ्‍नो कमारो अथवा कमारीको आँखामा हिर्काएर त्‍यो बिगारिदियो भने, त्‍यसको आँखाको कारण त्‍यसलाई स्‍वतन्‍त्र गरिदिओस्‌।यदि त्‍यसले कमारो अथवा कमारीको दाँत झारिदियो भने, त्‍यसलाई त्‍यसको दाँतको कारण स्‍वतन्‍त्र गरिदिओस्‌।
#बिशेष नोट:मोशाको व्यवस्था अनुसार यो पहिला भएको थियो अब हामी ख्रीष्टको व्यवस्था अनुसार छौँ जुन व्यवस्थाले प्रेम,क्षमा,अनुग्रह र मौका तथा सत्या प्रकट गर्छ।अनुग्रह छ भन्दै मा पाप चाहिँ गरिरहनु हुदैन।जब हामीलाई पाप गर्न मनलाग्छ त्यसबेला हामीले कलवरीको क्रूश र प्रभु येशू ख्रीष्टको बलिदानलाई सम्झनुपर्छ।अनुग्रहको मोल नै प्रभु येशू ख्रीष्ट हुन।



#परमेश्वर पिता पवित्र हुनुहुन्छ,उहाँले पापलाई घृणा गर्नुहुन्छ,पाप परमेश्वर पिताको पवित्रता मा टिक्न सक्दैन,त्यसकारण पापीहरु परमेश्वर पिताको उपस्थित मा जान सक्दैन यसकारण जब मोशा परमप्रभुसंग आमने सामने बोल्ने गर्दथे पिता परमेश्वरसंग होइन पुत्र प्रभु येशू ख्रीष्टसंग बोल्नुहुन्थ्यो कारण प्रभु येशू धर्मीलाई होइन पापीलाई उद्दार गर्न आउनुभयो।प्रभु येशू मानिसको रुप धारण गरेर यस संसार मा पापीहरुलाई पापबाट उद्दार गरि मुक्ति दिन आउनुभयो।

#येशू ख्रीष्टको पवित्र रगतले हाम्रो सम्पूर्ण पाप धोइएको छ र हामी सम्पूर्ण येशूलाई विश्वास गर्नेहरु पवित्र,शुद्ध र धर्मी भइसकेको छ।अब हामी पापी होइन अब हामी धर्मी हौँ।


#येहवा निस्सी:परमप्रभु मेरो झन्‍डा” ।
#अमालेकीहरु एसावका नातिहरुबाट आएका हुन्।
#यहोशू:परमेश्वरले बचाउनु हुन्छ।
#हूर:कालेबको छोरा।

#नोट:-लाल समुन्द्र एउटा समस्य हो।परमेश्वरले समस्यलाई पार गराउनुहुन्छ।समस्य देखि भाग्नुहुन्न त्यसमा लड्न सिक्नुपर्छ।परमेश्वरमा विश्वास र भरोसा गर्नुपर्छ र त्यो समस्यलाई जिवनबाट निकालेर फालेर ख्रीष्टको पछि सधैं हिंड्नुपर्छ।
पहिलो जन्मेको चाहिँ पहिलो फल हो,अगौटे फल हो।परमेश्वरको सेवाको लागि समर्पित हो।ख्रीष्ट येशू नि पहिलो फल हुनुहुन्छ।निस्तार चाडले मुक्ति दिदैन।व्यवस्थाले मुक्ति दिदैन।काम,कर्म,खतानाले मुक्ति दिदैन।मुक्ति त केबल प्रभु येशू ख्रीष्टले मात्रै दिनुहुन्छ।उहाँ माथी साचो विश्वास र भरोसाले मात्र मुक्ति दिन्छ।मोशालाई विश्वास गरेर मुक्ति पाइदैन मुक्ति पाउन त केबल प्रभु येशू ख्रीष्टलाई व्यक्तिगत प्रभु र मुक्तिदाता भनेर स्वीकार गर्नुपर्छ।निस्तार-चाडको बलि मोशा होइन प्रभु येशू ख्रीष्ट हुनुहुन्छ।निस्तार चाडको नियम मोशाको पालना गरेर मुक्ति पाइदैन प्रभु येशू ख्रीष्टको नियम अनुसार चलेमा मुक्ति पाइन्छ।ख्रीष्टको वचनमा रहेर आज्ञा पालन गरेर त्यही अनुसारको जिउन जिउने हो भने मुक्ति पाइन्छ।निस्तार भनेको पार गर्नु हो।मृत्युको दूत इस्राएलीहरु माथी भएर जाने काम गरे।इस्राएलमा कुनै पनि हानी गर्ने काम गरेनन्।निस्तारको थुमा प्रभु येशू ख्रीष्ट आफै हुनुहुन्छ।उहाँ हामी सारा मानवजातिको पाप बोकेर कलभरीको क्रूश्मा निस्तारको लागि बलि हुनुभयो।यो रगतले जीवन दिनेछ त्यो रगत पवित्र र सिद्ध छ जुन रगत प्रभु येशू ख्रीष्टले क्रूशमा सारा पापीको लागि बगाउनु भयो।परमेश्वरले घमण्डीको घमण्डलाई चकनाचुर पार्नुहुन्छ फारोको घमण्ड आफनो बहादुर योद्धा,रथ,घोडचढीमा थियो सबैलाई परमेश्वरले लाल समुन्द्रको पानीमा चकनाचुर पार्नुभयो।

#शिक्षा:परमेश्वरको इच्छा र योजना अनुसार नै यो घटनाहरु घटिरहेको थियो।मिश्रमा अति दमनको बाबजुद पनि परमेश्वरले इस्राएलीहरुलाई आशिष दिई तिनीहरूको सन्तान उत्पादन गराई राख्नुभएको थियो।सन्तान जन्माउन हामीले आफै कति जन्माउने भनेर निर्णय गर्नुपर्छ र बच्चाको गर्भमा नै मार्ने काम गर्नुहुन्न।यो परमेश्वरको विरुद्ध ठूलो पाप हो।हत्या गर्नु र गराउन लगाउनु हुन्न यो नि ठुलो पाप हो।मानिसको डर भन्दा बढी परमेश्वरको डर मान्नुपर्छ।परमप्रभुको भय नै ज्ञानको शुरूवात हो।जति जति राजा फारोले इस्राएलीहरुलाई दुख दिदै थियो त्यति धेरै नै परमेश्वरले इस्राएलीहरुलाई आशिष दिनुभयो।मोशाले संसारको कुरालाई छान्ने काम गरेनन् राजदरबार नै छोडे त्यो भन्दा नि बढी परमेश्वरलाई खोजे।हामीले धन सम्पत्ति खोज्ने होइन हामीले सर्ब प्रथम परमेश्वरलाई खोज्नुपर्छ।परमेश्वरलाई खोज्दै जादा उहाँको इच्छा छ भने उहाँले नै हामी हरेकलाई चाहिने कुरा जुटाउन हुन्छ।यदि धन नै दिनु भयो भने नि त्यो धनले नै परमेश्वरको राज्यको निम्ति खर्च गर्नुपर्छ।उहाँले सबैलाई नै धन नै दिनुहुन्छ भन्ने छैन कोहि कोहिलाई चाहिँ अवस्य दिनुहुन्छ।धनको होइन परमेश्वरको सेवा गरौँ।परमेश्वरले हाम्रो सुस्केरा र वेदना सुन्नुहुन्छ यदि हामीले सहि तरिकाले उहाँलाई खोज्दै उहाँकै सत्य बाटोमा हिडेकाछौ भने।परमेश्वरको बोलावटलाई चिनेर पछाउनुपर्छ नत्र परमेश्वरले अरुलाई नै चलाउन हुन्छ।शैतानको शक्ति भन्दा परमेश्वरको शक्ति महान छ।चिन्ह र चमत्कारको पछि होइन प्रभु येशू ख्रीष्टको शिक्षा मा लाग्नुपर्छ।खतानाले मुक्ति दिदैन येशू ख्रीष्ट माथि ले मात्र मुक्ति दिन्छ।हाम्रो इसाई जीवन गनगन होइन धन्यवादी जीवन हुनुपर्छ।जब हाम्रो जीवन धन्यवादी हुन्छ तब हाम्रो जीवन मा आशिष आउने छ र हामी आशिषको मुल हुने छौँ र त्यो आशिष बगेर पोखिन्छ।अन्याय,अत्याचार,शोषण कहिले नि गर्नुहुन्न यसको नि न्याय परमेश्वरले नै न्यायको दिनमा गर्नुहुन्छ।