अब्राहमको यात्रा कनान सम्म।

अब्राहमको यात्रा कनान सम्म।

#आजको_वचन।

#उत्त्पति:१२:४-९

#अब्राहमको_यात्रा_कनान_सम्म।

यसैकारण परमप्रभुले भन्‍नुभएबमोजिम अब्राम गइहाले, र लोत पनि तिनीसँग गए। हारानबाट निस्‍केर जाँदा अब्राम पचहत्तर वर्षका थिए।अब्राम, तिनकी पत्‍नी साराई र तिनका भतिजा लोत र तिनीहरूले जम्‍मा गरेका सबै धन-सम्‍पत्ति र हारानमा प्राप्‍त गरेका मानिसहरूलाई लिएर कनान देशमा जानलाई निस्‍के, अनि त्‍यहाँ पुगे।अब्राम त्‍यस देशबाट भएर शकेममा भएको मोरेका फलाँटको रूख भएको ठाउँसम्‍म पुगे। त्‍यस बेला त्‍यस ठाउँमा कनानीहरू बस्‍थे।परमप्रभु अब्रामकहाँ देखा पर्नुभयो, र तिनलाई भन्‍नुभयो, “म तेरा सन्‍तानलाई यो देश दिनेछु।” यसैले तिनीकहाँ देखा पर्नुभएको परमप्रभुको निम्‍ति तिनले त्‍यहाँ एउटा वेदी बनाए। त्‍यहाँबाट तिनी हिँड़ेर बेथेलको पूर्वपट्टि भएको पहाड़मा सरे, र बेथेललाई पश्‍चिम र ऐ सहरलाई पूर्वपट्टि पारेर आफ्‍नो पाल टाँगे। तिनले परमप्रभुको निम्‍ति एउटा वेदी बनाएर परमप्रभुका नाउँको पुकारा गरे।अनि अब्राम अझै यात्रा गर्दै नेगेव भनिने दक्षिण देशतिर गए।

#शिक्षा:परमेश्वर मा आज्ञाकारी भएर जिउनु आवश्यक छ।हाम्रो सारा जीवन भरी नै परमेश्वरको आराधना गर्नुपर्छ।परमेश्वरले जुन ठाउँ मा जा भन्नुहुन्छ त्यही ठाउँमा जान तयार हुनुपर्छ र सेवाकाई गर्नुपर्छ।