परमेश्वरले हागारलाई उद्दार गर्नुभयो।

#आजको_वचन।

#उत्त्पति१६:७-१६

#परमेश्वरले_हागारलाई_उद्दार_गर्नुभयो।

परमप्रभुका दूतले त्‍यसलाई उजाड़-स्‍थानमा शूरतिर जाने बाटोकै पानीको मूलनेर भेट्टाए।र तिनले सोधे, “ए साराईकी दासी हागार, कहाँबाट आइस्‌ र कता जाँदैछेस्‌?” त्‍यसले भनी, “मेरी मालिक्‍नी साराईको सामुन्‍नेबाट भाग्‍दैछु।”परमप्रभुका दूतले त्‍यसलाई भने, “तेरी मालिक्‍नीकहाँ फर्केर जा, र तिनकै अधीनमा बस्‌।” परमप्रभुका दूतले फेरि त्‍यसलाई भने, “म तेरो वंशलाई यति औधी बढ़ाउनेछु कि त्‍यो धेरै भएकोले गन्‍न सकिनेछैन।” परमप्रभुका दूतले त्‍यसलाई भने, “तँ गर्भवती छेस्‌, र तैंले एउटा छोरो जन्‍माउनेछेस्‌। तैंले त्‍यसको नाउँ इश्‍माएल* राख्‍नू, किनभने परमप्रभुले तेरो दु:ख हेर्नुभएको छ।

 मानिसहरूमा त्‍यो जङ्गली गधाजस्‍तै हुनेछ। त्‍यसको हात सबैका विरुद्धमा उठ्‌नेछ, र सबैका हात त्‍यसको विरुद्धमा उठ्‌नेछन्‌। आफ्‍ना सबै नातेदारहरूकै शत्रुतामा त्‍यो बसोबास गर्नेछ।” हागारले आफूसित कुरा गर्नुहुने परमप्रभुलाई यस्‍तो नाउँ दिई, “मलाई देख्‍नुहुने परमेश्‍वर तपाईं हुनुहुन्‍छ।” किनभने त्‍यसले भनी, “मैले साँच्‍ची नै परमेश्‍वरलाई देखेकी छु, र उहाँलाई देखेर पनि म जीवितै छु।”यसकारण त्‍यस पँधेरोको नाउँ बेअर-लहै-रोइ राखियो। कादेश र बेरेदको बीचमा त्‍यो पर्छ।अनि हागारले अब्रामको एउटा छोरो जन्‍माई। हागारले जन्‍माएको आफ्‍नो छोराको नाउँ अब्रामले इश्‍माएल राखे। हागारले अब्रामको निम्‍ति इश्‍माएल जन्‍माउँदा अब्राम छयासी वर्ष पुगेका थिए।

#एलरोई= परमेश्वर जसले मलाई देख्नुहुन्छ।

#परमप्रभुको दुत=परमेश्वर आफै।

#इश्माएल=परमेश्वरले सुन्नुहुन्छ।

#शिक्षा:हाम्रो दुखकष्ट मा परमेश्वर सधैं हाम्रो साथमा भएर काम गर्नुहुन्छ,हामीलाई कहिले पनि छोड्नुहुन्न र त्याग्नुहुन्न।हामीले उहाँलाई पुकार गर्नुपर्छ उहाँले हाम्रो अप्ठ्यारो परिस्थिति मा मद्दत गर्न चाहनुहुन्छ।